На дваесет и втората седница одржана на ден 02.04.2025 година со почеток во 10.30 часот, Советот на јавните обвинители на Република Северна Македонија согласно објавениот дневен ред, под точка 1 ги усвои записниците од 15-та, 16-та, 17-та, 18-та, 19-та, 20-та и 21-ва седница на Советот на јавните обвинители.
Под точка 2 од дневниот ред “Разгледување на предлогот за разрешување од функцијата Јавен обвинител на Република Северна Македонија поднесен од Владата на Република Северна Македонија“, на предлог на член на Советот се донесе едногласна одлука да јавноста биде исклучена при разгледувањето и дискусијата по оваа точка од дневниот ред, согласно член 10-а став 2 од Законот за Советот на јавните обвинители.
По разгледувањето, Советот во присуство на јавноста гласаше по повод предлогот на Владата за разрешување од функцијата Јавен обвинител на Република Северна Македонија, така што со мнозинство гласови се донесе негативно мислење во врска со дадениот предлог.