Соопштение за одржана седница

На седмата седница одржана на ден 21.11.2024 година, со почеток во 10.30 часот, Советот на јавните обвинители на Република Северна Македонија по усвојувањето на дневен ред дополнет со уште една точка – Номинирање на заменик член на Комисијата за завршен испит при Академијата за судии и јавни обвинители, пристапи кон разгледување на Извештајот за работа на Вишото јавно обвинителство Битола со подрачните основни јавни обвинителства (Битола, Прилеп, Охрид, Струга и Ресен) за 2023 година, во присуство на Вишиот јавен обвинител Пецо Везироски. Откако извештајот за работа беше презентиран од страна на Вишиот јавен обвинител, се отвори расправа и дискусија со членовите на Советот во врска со истиот. По разгледувањето и дискусијата, Советот позитивно го оцени извештајот и го усвои. Потоа, под точка 2 од дневниот ред, согласно дописот и барањето од страна на Академијата за судии и јавни обвинители, Советот го номинираше јавниот обвинител Анел Фидоски за заменик член на Комисијата за завршен испит при Академијата за судии и јавни обвинители.